.. ما زال اسم الفنانة المغربية بسمة بوسيل في صدارة التريند، وذلك بعدما وجهت رسالة لمنتقديها بعد تصريحاتها الأخيرة التي تحدثت من خلالها عن معاناتها من الاكتئاب وتفكيرها بالانتحار في أثناء فترة زواجها.

الفنانة بسمة بوسيل

وجهت الفنانة المغربية رسالة نارية لمروجي الشائعات عنها، مؤكدة أنها ستتخذ الإجراءات القانونية لملاحقة هؤلاء، وكتبت بسمة بوسيل عبر خاصية القصص القصيرة على حسابها على موقع تبادل الصور والفيديوهات «إنستجرام»: «رسالة مهمة لأصحاب الطبلة والرق، أي كائن هيجيب في سيرتي بشكل مايجيش على مزاجي ويضلل الناس ويقصقص في كلامي، هتابعه قانونيا».

تفاصيل تصريحات بسمة بوسيل عن تامر حسني

وأثارت الفنانة المغربية، بسمة بوسيل، جدلاً واسعا على منصات التواصل، خلال الآونة الأخيرة، بعدما تحدثت عن علاقتها بطليقها النجم تامر حسني.

وكشفت الفنانة بسمة بوسيل عن معاناتها من الاكتئاب وتفكيرها بالانتحار خلال فترة زواجها، خلال لقائها في برنامج «عندي سؤال» مع الإعلامي محمد قيس وقالت: «بنصح أصحابي اللي عايزين يطلقوا عشان عندهم مشاكل انفصلوا لو لقيتوا نفسكم في الانفصال مرتاحين اتطلقوا».

وتابعت: «الطلاق في الزمن اللي احنا فيه دا مفيهوش رجوع».

وواصلت: «الرجوع بيبقى ليه بوادر أنا ماشفتهاش، لما بيبقى في رجوع بيبقى في مشاعر بين الاثنين ومش بعاد عن بعض، لما اثنين بيبقوا بيطلقوا وهما عايزين يرجعوا بيبقوا مظبطين نفسهم أن فيه طريقة للطلاق بيبقى فيه خيط للرجعة».

بسمة بوسيل

وأشارت بسمة بوسيل خلال اللقاء، إلى أنّها لن تعود لتامر حسني مرة أخرى، وقالت: «الحب أبهرني وعماني، وخسرت نفسي بسببه وعيطت كتير، أنا حياتي اتدمرت واتعدمت ثقتي في نفسي، وأبويا قبل ما يموت كان بيقولي عايز أشوفك في يوم سعيدة، وفي فترة أبويا لو مكنش عايش فيها، أنا كنت انتحرت بس هو كان بيدعمني».

وأضافت: «بالنسبة ليا أنا وتامر مش بنفكر نرجع لبعض، والكلام اللي على النت مش عارفة مين اللي بيطلعه، لكن زي ما قال تامر في ناس بتحاول يصلحوا ما بينا، بيتكلموا طبيعي ومش فاهمين حاجة في العلاقة ما بينا».